|
| |||||||
| قـسـم الـتـسـالـي و الـضـحـك نكت طرائف صور ومقاطع فيديو مضحكة فــقـــط ! |
 |
| | LinkBack | أدوات الموضوع | انواع عرض الموضوع |
09-02-2009, 02:14 PM
| #1 (permalink) |
   تاريخ التسجيل: Mar 2008 الدولة: maroc
المشاركات: 2,290
شكراً: 0
تم شكره 46 مرة في 41 مشاركة
معدل تقييم المستوى: 487    |  نكت مغربية جديد الاسواق2009 واحد قال لمراتو :شوفي أحسن حاجة تاخدي لكونجي ديالك شهرو أنا ناخد الكونجي ديالي شهر و نسافرو شهرين عند دارنا فالعروبية ................................................................. ................................................ هادا امريكا بغات تصنع صاروخ المهم كلشي شارك معها ها ليجاب البياس و ها ليساعد باليد العاملة و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب ) ................................................................. ................................................. واحد دخل لحديقة الحيوانات وهو يدخّل راسو فلقفص ديال السبع، الحارس جا كايجري وقاليه: وا تا أشنو كاتدير ألمسطي ؟؟؟؟ قاله : وا غير بشوية أصحبي تا مالنا غادي ناكلوه.. ................................................................. ................................................... واحد سخي بزاف تحرقات ليه دارو.. ملي جاو البومبية قاليهم والله يما تحطو ايديكم فشي حاجة قبل ما تشربو القهوة ................................................................. ................................................... هدا واحد العروبي يالاه حطوا الكار فكازامشا تبع واحد البنت قاليها -البنت قول ليا اشنوا سميتك قالت ليه انا سميتي fati fleur ( فاطمة الزهراء ) قال ليها انا سميتي le pére de la plui ( بوشتا ) ) ................................................................. .................................................. جوج بنات دافعين كبير شافو كسيدة ( اللــه ينجينا و نجيكم ) وحدة قالت للثانية ho le pauvre il reste dans moi مسكين بقا في ردت الاخرى LE PAUVRE BEBLIOTHEQUE SUR LUI مسكين مكتابة عليه ................................................................. .............................................. قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد كيبسال عليا.. قال لها الأستاذ: إيوا راه خاص توصلي بكري ماشي تعطلي!!! جاوباته: لااا..راه كان كيتمشى بشويا....... ................................................................. ............................................... واحد تابع وحدة بطوموبيل ديالو طلعات ليه لقاها خايبة .قال ليها اش سميتك قالت ليه غزلان. قال ليها زيدي جهلي فيا ................................................................. ............................................. غير مسموح بالنكت التى تسخر من المتدين ................................................................. ............................................... واحد طبيب بيطري جا يخطب واحد البنت . سولو باها قالو : نتا معروف ؟؟ قالو وايلي تانتا , ماكاينش شي حمار فالمغرب ماتيعرفنيش ................................................................. ............................................... هادي وحدا كاتشكي على صاحبتها كاتقولها : أنا راجلي كينسا بزاف نهار كينسا السوارت ديال الطوموبيل و نهار كينسى السوارت ديال الدار , اواه بزاف هادشي . ردات صاحبتها قالتلها : ماشتيش راجلى أنا شي مرات تيقولى : نسيت فين شفتك واقيلا تلاقينا ف شي بلاصا؟ ................................................................. ................................................. جوج عيالات شارفين بغاو يتزوجو ماقبل عليهوم تاواحد . دارو اعلان فالجريدة كاتبين فيه : تزوج بواحدة تحصل على الأخرى مجانا ................................................................. ................................................. -قاليكم هدا واحد من صغرو او هو خدام عمرو خرج للزنقة فاش كبر جوجاتو الوالدة ديالو ، لغد ليه خرج كايطلب فيها عافاك الوالدة خليها تبات عندنا مازال ليوما. ................................................................. .................................................. -هدا واحد سول صاحبو شناهي ’pourquoi’ بالعربية جاوبو صاحبو علاش قاليه لا غير سولتك. ................................................................. ................................................... -قليكم هادا واحد المكلخ سخرو باه قليه هاك جيب 5 دراهم نعناع يلاه ولدو غايخرج قاليه هاك ها 5 دراهم واحدة خرا جيب بها الزعفران , دري غبر او هو يتم جاي تيجري سولو باه فين السخرة قاليه الدري الواليد فين 5 دراهم لينجيب بها الزعفران او فين ليغانجيب بها النعناع. ................................................................. ...................................................... قال ليك هدا واحد الراجل أعمى كان غادي فطريق هوا يجي عندو واحد دري{طفل} تمتام بغا يوريه الطريق وصلوا لواحد الحفرة هوا يقول ليه الدري ححححححححححححححح حفرة أهما يطيحو لأعمى قال لمرة الجاية غي يقول حححححححح نقفز أهوا يقول ليه الدري حححححححححح أهوا يقفز أهوا يدخل فحيط ................................................................. ..................................................... سيارة فيها كلشي بالكمبيوتر َتيْنَبه مولاها عند أي تجاوز..شعل كٌارو قاليه : اطفي اطفي الكٌارو .. حط رجله على الدواسة،الكونتور(العداد) طلع ل 80 كلم/ س قاليه : انتبه انتبه انت بسرعة ثمانين كلم/س.. زاد وَرﱠك طلع للمائة.. زاد ورك طلع لمياتين وهو يقول ليه :ناري ناري باغي تقتلني الحيوان .. وقف وقف انت إلى عاجبك راسك أنا مغديش معاك يلاه نزلني وتلاح ................................................................. ..................................................... ..عدول جاءت عندو امراة وراجل باش يعقد عليهم قال ليها شنو الإسم ديالك قالت ليه جميلة مني شاف فيها لقاها قبيحة وهو يلوح ليهم الوثائق وقال للشهود : سيرو بحالكم راكم غادين تشهدوا الزور واحد اهدى لحبيبته وردة فرحات بها بزاف مقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الحديقة.. ................................................................. ...................................................... محشش وقفو بوليسي ولاحظ بأن لوحة الأرقام الأمامية مختلفة على الي في الخلف قاليه : منين هدو ماتيتشابهوش فيها إن؟ مد ليه شي حاجة في يده وقال ليه : إن وأخواتها..علاه دبا انت وجهك تيشبه لكٌفاك.. ................................................................. ..................................................... محشش وقفو بوليسي وقال ليه : تامال الماتريكيل (رقم السيارة) مباينش؟ وهو يقول ليه: متخممش أجمي راني حافظو ﭘـ ا ركور (عن ظهر قلب).. ................................................................. .................................................... واحد مشى تيسول على صاحبه من مدة مشافو.. دق في باب الدار خرجت أمه .. قالت ليه صيفتناه أولدي يشري اللحم شهرين هذه مبان.. وقال ليها وشنو درتو قالت ليه الدجاج.. ................................................................. ................................................... غبي تيتفرج في التلفزة وشاف واحد نقز من فوق عمارة عالية ومربوط بحبل وقال والله هذه تاساهلة .. اختار عمارة علوها 30مترواشترى حبل طوله 26مترطلع فوق العمارة وتلاح ..مني هبط راسو تغرس في الأرض ..الناس ﮔ اع قالو ولد فلان انتحر..في التحقيق ديال البوليس سولو الدرو ﮔ ري:شحال بعتي ليه من متر؟قال ليهم هو طلب لي 26متر ولكن مني باه صاحبي زدتو 4 مترومن عندي فابور. ................................................................. ................................................... واحد مشى عند آخر وقال ليه تشهد لي زور وتاخد عشرلاف بلا فلان سلفتو مليون ومردهاش لي. صافي ؟ وهو يقول ليه على باقي مردهاش ليك تنكٌوليك أصاحبي مبقيش تسلفو.. هداك راه جرارة ................................................................. ................................................... التمساح جاب الربيع فرشو باش ينعس..نسى شي حاجة مشى يجيبها ..القرد حاضيه..خلاه مشى وهو يرمي ليه الربيع في الواد داه التيار..مني رجع ملقا والو.. هز عينيه للفوق وهو يشوف القرد سولو : ماشفتيش شكون هز لي الربيع القرد..وهو يقول ليه بالعمى ماشفتو أبوبريص ................................................................. .................................................... واحد شاف صاحبو سكران تيكتب الثمنية برجليه معقلش على راسو ..خاف عليه لتجي السطافيط تديه قال ليه : مالك أصاحبي حالتك حالة.. يلاه يلاه نوصلك للدار..قال ليه عي خليني الساط راني تنتسنى دارنا دوز وندخل ليها..يتوب عليك.. ................................................................. ..................................................... واحد دايز على سكران وهو يسولو على عنوان مكتوب عنده في ورقة .. شدها وتعطل في القراية مقفل والو.. وهو يقول ليه : هاد صاحبك ألخوادري مقالش ليك فين ساكن.. ................................................................. .................................................. واحد فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط ..تيرد عليها: وعليكم السلام.. طوط .. وعليكم السلام..دايز واحد وهو يقول ليه : السلام عليكم ..وهو يقول ليه طوط.. ................................................................. ................................................ بوجادي سرقو ليه الطوموبيل سولوه على الرقم قال ليهم :نكٌول ليكم تسعلاف أممممم تسعلاف وشي7 أولى 8هكاك.. كول عشرلاف مواصلاش.. ................................................................. ................................................... واحد قال لصاحبه: مشيت للحمام وهو يدخل لي الماء لودني.. قال ليه: ذخل ليها الضوء وكريها.. ................................................................. ................................................... واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج.. ضامات ديال البنة ماجي أو كنور.. ................................................................. .................................................. قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :أ مكيف..أوكاعي فيها شي حاجة.. ................................................................. .................................................. شنو الفرق بين الحولي الجاهل والحولي المتعلم؟ الحولي الجاهل تيقول ماااء والحولي المتعلم تيقول H2o ................................................................. ................................................. واحد قالو ليه مني تاكل سمي الله راه الشيطان تياكل معاك ناض دار السم في الماكلة ................................................................. .................................................. علاش الخباز تيحيد المكٌانة من يده مني تيبغي يعجن ؟ باش يمنع اختلاط الدقيق بالدقيقة ................................................................. .................................................. دري نزق بغا يتريكل على جده وهو يسولو: شحال هذه ماكلتي اللحم.. أجدي؟ وهو يولي على امها ديب رقق صوته وعوى : شحاآآآآآآآآآآآآآآآآآآآآآآآل هادي.. ................................................................. ........................................... الدار الي فيها الأحول فيها البركة.. حيتاش تيشوف جوج من الحاجة .. هههههههههه ................................................................. ........................................... أحول ضرب راسو مع الحيط قال : آآح أمي رجلي.. ................................................................. ........................................... قزم طاح من الطابق العاشر تعلق في التروتوار الرصيف.. ................................................................. ............................................. واحد كال أوأكل صابونة .. بغى يغسل مصارنو.. ................................................................. ............................................. مكلخ بغاو يعدبوه عطاوه ورقة مكتوب عليها من الوجهين إقلب الصفحة.. ................................................................. .............................................. هذا جحا أو واحد صاحبو كانو كيتغداو فواحد العرس جحا اسول صاحب : كاع ماقولتليش باش مات باك ؟؟ صاحب جحا : فكرتيني ا صاحب ابا مسكين فداك النهار كان راجع من الجامع ماكانش مريض السبب ديالو مشى لسوق كدا ..... (مزال كيتكلم) أ جحا كيعمر فالكرش ديالو ويعيق به صاحبُ (ولد الحرام أنا كانهدر أو هو كاياكل ؟ ملنا حتا حنا أنسولو ) ونتا الجحا باش مات باك ؟؟ قالو مسكين مرض أو مات (ويكمل الماكلة ديالو ) عجباتك ؟؟ ============================================ دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟ قاليه الي تحت سكت سكت حنا عمارة ديال تروا زيطاج هي هي هي .. جمع يدو وعطاه بتصرفيقة يمكن هذه داخلة في شغلو.. وهو لحمق الي تحت قال للفوقاني نزل أصاحبي شوف شكون الي تيدق في الباب يلاه.. ============================================ هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة ==================================== هادو واحد 2 سكايرية دايزين من حدى واحد الخيمة فييها عرس مشا أسيدي الأول تايطل من واحد الثقبة فالخيمة ، شافو موول العرس من الداخل أو هو إيضربو حتى تلاح في الأرض جا السكيري2 لاخر أوهوا إيقوليه : مالك أصاحبي ؟ السكيري 1 : طل طل تكرشخ بالضحك أو هوا إيمشي صاحبنا تايطل أو هوا إيشوفو موا العرس أو ضربو عاوتني حتى التلاح أوهوا إيقوليه السكايري 1 : أمالك أصاحبي ؟ السكايري 2 : عرفتي شنوا ؟ تحرك تحرك قبل من موتو بالضحك ============================== هدا واحد ساط قال صاحبتو يله بسلامة à demain وهي تقول ليه شرح ليا شنو هي a demain قال ليها حتى غدا قالت ليه لا شرحها ليا دابا.. ===================================== واحد محشش جالس باب بيته ، داز عليه واحد وسأله إنت من أهل البيت ؟ قاله لأ . أنا من كفار قريش. ============================================ قال لك واحد غليض بزاف ايوا مشى للطبيب..قال له بغيت ننقص..قال له كل يوم تمشى 10 كلم مدة شهر ..داز شهر .. تصل خونا بالطبيب..الو انا في زاكورة فين نمشي دبا... ========================================== كليك هادا واح الفأر بغى يخطب واحد الفارة, ملي مشا عند واليديها قالت لو مت الفارة.غادي نزوجك بنتي بشرط, تكتب ليها القادوس بسميتها =============================== واحد قرع تزوج واحدة قرعة جابو ولد عندو شعرة وحدة سماوه بوغوفلة =============================== (اثيوبية) كالت حمصة. قتلها باها. تسحاب ليه حاملة =============================== هذو 2 كحلين ضاربو او هي طلع ريحت شياط =============================== واحد بغا يسكت موطور أ عطاه كوجاكا =============================== اقرها من فوق لي تحت و من تحت لي فوق هو : يااااه أخيرا الحلم هايتحقق .... هي : عاوزني أبعد عنك .... ؟؟ هو : لأ.. و إوعي تفكري في كده ... هي : إنت ... بتحبني ؟؟ هو : أكييييييييييييد . هي : طاب عمرك خنتني قبل كده ؟ هو : لأ طبعا .. بتسألي ليه ؟ هي : طيب ممكن تديني بوسة ؟ هو : طبعا.. و على خدك كمان . هي : طيب تفتكر إنك ممكن تضربني في يوم من الأيام ؟ هو :لأ طبعا ... انا مش النوع ده من الرجالة . هي : ممكن أثق فيك ؟ هو : أيوه... ============================= قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا ============================== واحد مافحالوش مشا لقهوا لقا واحد شبعان تيكل فواحد دجاجة و مشا ريح حداه و طلب واحد طبسيل ديال لعدس بدا كيكل فيه بلا مليقول بسم الله قاليه هداك لي حداه قول بسم الله أصاحبي أولا شيطان غادي ياكل معاك و رد عليه لاخر واش شيطان حمق اخلي دجاج باش ياكل لعدس ======================== دا واحد جالس كيتقهوا مع راسوا هويوقف عليه واحد قال سميتك سعيد هو يقول آه هويشبعوا اعصى هو يمشي بحالوا وهداك لي كلاها بدا تيضحك هما يسولوه ناس هاد لعصا كلها ومازال تتضحك هو يقول ليهم راه تفليت عليه راه ما سميتيش سعيد ========================== هدا واحد خينا رجلو ليمنية قصيرة على ليسرية, بدا تابع واحد البنت شاد معاها ستون فالطريق, و تيتمشى بالرجل ليمنية فطروطوار و ليسرية لتحت باش ما يتفرش معا بنادمة, ملي سالا طروطوار ما لقا ما يدير ملي بدا تيعواج هو يقول ليها خوك راه ما كاين هي الهيب هوب (Hip Hop) ============================ هذا واحدالراجل كينسى دغيا كان واحد النهار كيجري في لاكوط ملي عيا وقف و دار يديه على ركابيه باش يرتاح شوية ملي وقف و هو يقول سمع الله لمن حمده =========================== هدا واحد الراجل داز حدا قادوس هو يخرج ليه جنّ قال ليه شبيك لبيك لي بغيتيه نديرو ليك .هو يقول ليه الراجل :بغيت دار . هو الجن يقول ليه:لقيتها حتّى لراسي ساكن في قادوس =========================== قالك هدي واحد المعلمة رسمات الدراري تراكتور -tracteur- وهيتقول ليهم سنو اسميت حتى واحد ماعرفو واحد شوية وهي تنوض واحد كاس في لااخر سالته ودري تمتام قال ليها تر تر تر تر تر تر وهي تقول ليه انا سولتك على اسميت ماشي قتلك دير ليه امارش -amarche =========================== هذا الملك ديال شي دولة مشا زيارة للصين جلس مع الامبراطور ديال الصين هو يقوله شحال عدد سكان ديال الصين قاله مليار وزيادة والامبراطور سول الملك قاله وانتوما شحال قالوا 20 مليون قاله الامبراطور علاش مجبتهمش معاك. =========================== هدا واحد سكران وصل لدارم .فبلاست ما يدق فلباب بقا تيدق فالبوطو ديال الضو أهو يقوليه واحد سكران كتار منو .غير زيد دق راهم مزال شاعلين الضو ================= هادو 2 جالسن تايشربو وجا واحد الاخواني باللحية جلس حداهم .وبانتلهم صطافط دلحناش جايا و هم 2 سكايرية قالو للاخواني سير بحالك لاتجي صطافيط تجمعنا هادا واحد الراجل مسموم قالو ليه غادين نشدو النص ديال الخلصة ديالك بزز ونعطيوه لشعب غزة. ناض هو وعطى النص اللي بقى لاسرائيل.  هادا واحد المسموم جرى عليه ابوه هو يكتب في باب دارهم ( هنا يجتمع اصحاب القاعدة )  *قلك هدو شي مسافرين كانو غادين فالطيا رة مر مر كتجي عندهم مضيفة الطيران وكت قليهوم شكون داخ وحد الرجل على يدو عطت بسطية ديال الدوخ ومشات وجات مر التانية وقتلهم شكون داخ على يد هو نيت عطات بسطية ومشات وتكرة هد العملية بزاف ديال المرات من ولة رجعة لقت صخف قلبت البطاق الوطنية ديالو لقت سميت داخ محمد واحد مشا عند شوافة قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..قال لا..واش كتشرب... لا... واش كتبع دريات... لا... قالت وعلاش بغي تعيش 40 عام -استاد ديما يسول دراري .. باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج ... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات -دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع -استاد بغا يدير فرض لدراري على غفلة..قال ليهم عندكم غدا فرض على غفلة -واحد قال لمو بغيت تزوج بوحدة بيضاء وطويلة وخدامة.. قالت خد لك حسن ثلاجة -جوج كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي -هدا واحد المعلم ديما كينسا السنسلة ديال السروال محلولة. ديما التلاميذ هومة لي كيفكروه.ديما . ديما .واهد النهار كان غادي اجي المفتش. اهو اوصي الدراري. كاليهم ملين اكون المفتش.الا كنت ناسي السنسلة محلولة .كولو لية راه الادارة محلولة . اوا صافي اسيدي جا المفتش . ناظ المعلم لسبورة.باش ابدا اقري الدراري قدام المفتش . اهما الدرادي بداو كيقولو :استاذ. استاذ اهو اقولهم اشنو ياك ما الادارة محلولة . اهما اقولو ليه لا راه المدير خارج -واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش -هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خي -قال ليك هذا وحد الاستاذ قال لتلاميذ ديالو : لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قليه شنهيا الحشرة لي عندها 9999999رجل???) بدا كيفكر اهوا يقول ليه معرفتش هاك 100درهم , قول ليا انت شناهيا ?? اوهوا يجاوب الكسول : تاانا معرفتش هاك 50درهم -واحد تابع وحدة بطوموبيل ديالو طلعات ليه لقاها خايبة .قال ليها اش سميتك قالت ليه غزلان. قال ليها زيدي جهلي فيا -هدا راجل شرا حولي قبل من لعيد بعام ولفو عليه مالين دار. مني قرب العيد مشا لحولي عند الراجل فال ليه بابا امتا هاتجيت لحولي -قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا -قواس كاتفرج فماتش . مشا يشرب تسجل هدف بلا مايشوفو مني دارو الاعادة ماتماركاش -هادو جوج دريات دوزو لباك واحدا باسات واحدة غولف -معكاز شرا ليه باه محل ديال دجاج باش يجمع راسو... جات عندو واحدة قالت ليه ارا ليا شي دجاجة فيها 2 كيلو ... الدري مكسل.. شاف فدجاج وقال يللاه للي فيها 2 كيلو تنوض -واحد عندو حدبا مشا للتجنيد.. تسحاب هايردوه.. فرحان.. قال لواحد: الشاف انا عندي حدبا فظهري ..قال ليه مزيان نعصرو عليك الليمون -واحدة تصاحبات معا براني .. مشاو لقهوة جا عندهم لجارسون فال ليهم اش بغيتو قال ليه البراني pas encore سول دريا قالت ليه pas encore bien glacé ( وسيري تخباي اش جابك لشي فرونسي ) -واحد مشا سكران لدارهم ... مراتو لاحت ليه ساروت.. تلف على الثقبة ديال الباب... غوت عليها قال ليها لحتي الساروت ولوحي الثقبة -فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو -شارفا ماتت عمرها ماغسلات شعرها... مني بغاو يغسلوه ليها.. لقا القمل كايصلي صلاة الاستسقاء -واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة -واحد خارج من دارهم .. كايسب فالملك... لوالدة ديالو تابعاه كاتغوت: وديال سبانيا -واحد كايلعب بصبعو فنيفو ... واحد لوقت قال شكون للي طفا ضو (قاس سي حاجة ) -واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا -واحد هايدوز بيرمي.... مشا عند مول لحانوت قال ليه عندك ضوصي جديد.. مول لحانوت قال ليه ختك يلاه هزها واحد بطوموبيل ( brgag) -واحد غادي معا صاحبتو.. شرا ليها بولو... واحد لوقت دازو من درب خاوي.. قالت ليه حنا بوحدنا دابا غتانم لفرصة... هوا يخطف ليها بولو وهرب -جوج مهابيل كايتخاطرو علا مشا... واش دكر ولا لا... داز واحد لمحشش سولوه .. هوا يقول ليهم نضربوها بحجرة .. الا تصب راه مش الا تصبات راها مشا -واحد بدلو ليه القلب بقلب ديال بلاستيك... واحد لوقت تزعط فبانيو -واحد حول متزوج بوحدا بحالو... قال ليها مني تشوفيني جاي بوحدي ماتحطي والو غير تشوحي معايا راجل حطي طعام... مراتو شافتو من بعد جاي بانو ليها 2 حيت حولة... حطات طعام... دخل بدا ياكل معاها واحد لوقت قال ليها بشوية كون ماكنتي بوحدك كون سلخت يماك . -واحد بنادم "فشي شكل" بغا يتوب دار لحجاب -واحدا قالت لراجلها نصوب لك مصمن ولا بعرير.. قال ليها صوبي فمك هوا الاول --وحدة قالت لصاحبها قول ليا شي حاجة حلوة.. قال ليها سكر... قالت ليه للللا شي حاجة تجمعنا انا وياك ... قال ليها صطافيط -واحد مشا مع دريا لسينما بالعلم ديال مها... مني بدا لفيلم طفا الضو... دريا كتبكي.. قال ليها مالك.. قالت ليه قالت ليا ماما سيري ومتباتيش -واحد كيكتب نقز السطر.. هوا يتهرس -واحد شرا صباط كبير عليه.. هوا يحتارموا -واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون -كنت ملك.. قال ليه الدرهم هاتكون قد الصينية -واحد بغا يدور لحريرة ... داها لمدينة -واحد حل لبلاكار.. لقا حوايجو معلقين.. هوا يتبعهم -لحناش تابعين شي حشاشين . خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش -حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو -واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين -واحد صاط شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم musculation -واحد كتب ليه طبيب دوا .. قال ليه شربو ورا القهوة.. صاحبنا مشا لورا واحد القهوة فالدرب شربها -الاستاد لدري اش كتحلم دير... الدري: كنحلم نشد 10000 درهم فالشهر بحال الوالد... الاستاد :علاش باك كايشدهم... الدري: لا تاهوا غير كايحلم -معلم طلب انتقال صفطوه لبير جديد... من بعد 5 سنين صيفطون لبير انزران.. من بعد صيفطوه لبير اللفت.. طلع ليه الدم كتب لوزير قال ليه واش انا معلم اولا سطل -دري كايبغي درية سميتها نزهة... مشا عند باها قال ليه عمي بغيت نزهة ....قال ليه زها على مك -جحش كبر مشا كيجري عند مو قال ليها ماما وليت حمار.. قالت ليه مالك كنتي مهندس -واحد مشا عند طبيب قال ليه فيا لحناش فكرشي... الطبيب محشش قال ليه كتب فيها الامن الوطني -واحد أول مرا شاف مسكا ... بدا ينضغ فيها.. حلف ماينعس تايكملها -واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة... الحاج قال ليهتخلطها نخلط مك ادا ابتسمت فكتب لي ولو ردا و لا تكونو بخلاء k;j lyvfdm []d] hghs,hr2009 hghs,hr2009 التعديل الأخير تم بواسطة غزال طانطان ; 12-02-2009 الساعة 06:33 PM |
|  |
| إعلانات - مواقع مفيدة | # |
| الاعلانات رقم العضوية : X محل السكن: المنتدى آخر تواجد: اليوم |
|
|
09-02-2009, 09:30 PM
| #2 (permalink) |
 تاريخ التسجيل: Jul 2008 العمر: 21
المشاركات: 4
شكراً: 0
تم شكره 0 مرة في 0 مشاركة
معدل تقييم المستوى: 0 | رد: نكت مغربية جديد الاسواق2009
merciiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii iii
|
|
| |
|
| مواقع النشر (المفضلة) |
| الكلمات الدلالية (Tags) |
| مغربية , الاسواق2009 , جديد |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جديد ناس الغيوان أغنية مغربية تضامنا مع غزة | khalilo | الـقـضـيـة الـفـلـسـطـيـنـيـة | 1 | 22-01-2009 09:14 PM |
| جديد قناة أفلام مغربية على Eutelsat:w6-21.5°E | lhaj | Biss & CDW - DDW | 1 | 04-06-2008 10:40 AM |
| نكت مغربية | بنت كلميم | قـسـم الـتـسـالـي و الـضـحـك | 6 | 29-02-2008 02:49 PM |
| .*.نكت مغربية .*. | moker1 | قـسـم الـتـسـالـي و الـضـحـك | 5 | 28-02-2008 11:47 AM |
| نكت مغربية****martin_loter**** | martin_loter | قـسـم الـتـسـالـي و الـضـحـك | 4 | 26-02-2007 07:19 PM |
العرض العادي
